Үг. Р. Чойном Ая. Бат-Очир
Уул усыг давуулаад
Хараа тавин ширтээстэй
Уяхан зангий нь бодохоороо
Хайрын нулимс дуслаастай
Дуугий минь чи дуулаарай
Дуулсан дороо ирээрэй
Ингэж дурсан суугаа минь
Их л хайрын минь буруу юу
Насан туршийн амраг минь
Надтайгаа уулзах болоогүй юу
Дахилт
Янаг дотно дассандаа
Үүрийн шөнөдөө зүүдлээстэй
Яваад ирнэ гэсэндээ
Үдийн цайгаа дээжлээстэй
Дахилт
Үг. Д. Нямаа Ая. Д. Баттөмөр
Хонин дээгүүр минь
Нүүдлийн шувууд буцлаа.
Хонгор намрын тэнгэртээ
Хошууран зэллэсээр одлоо.
Хойтон хавар ирэхдээ
Хонин дунд минь буугаарай.
Аясын салхинд намирсан
Алчуур дээр минь суугаарай.
Мянган цагаан хонь минь
Мяралзсан ус шиг харагдана уу.
Цэцэгт цэнхэр алчуур минь
Цэн тогоруу шиг үзэгдэнэ үү.
Дахилт
Хашийн цагаан хонио
Хариулж өсгөх дуртай
Арвин талын хоньчин би
Арван долоон настай
Дахилт
Мянган цагаан хонь минь
Мяралзсан усны түрлэг
Цэцэгт цэнхэр алчуур минь
Цэн тогоруудын түрүүч
Дахилт
Үг. Б. Ламзав Ая. Д. Мяасүрэн
Агь таанын үнэр ханхалсан
Аглаг хээрийн тал нутгаар
Адуун сүргээ хариулж явахад
Аргагүй сайхан байдаг шүү.
Мал маллах сайхан шүү.
Малчин бидний жаргал шүү.
Янгир гөрөөс дүүлэн давхисан
Яргуй цэцэгтэй өндөр уулаар
Ямаан сүргээ хариулж явахад
Ямар сайхан байдаг гээч.
Мал маллах сайхан шүү.
Малчин бидний жаргал шүү.
Тунамал тогтуухан элбэг устай
Тунгалаг сэрүүхэн нуурын дэргэд
Тугал бяруугаа хариулж явахад
Тун чиг сайхан байдаг шүү.
Мал маллах сайхан шүү.
Малчин бидний жаргал шүү.
Үг. Д. Пүрэвдорж Ая. Л. Мөрдорж
Янагийн сайхан харц шиг
Яргуй нүдлэн мишээсэн
Ханшийн ногоо нярайлсан
Хаврын тал нялхарна.
Уртын сайхан дуу шиг
Ухаан санаа туяарч
Зуун бээрээр дуниартсан
Зуны тал униартана.
Нарны сайхан цацрал шиг
Найман зүгтээ туяарч
Намирсан тариа найгуулсан
Нарын тал шаргалтана.
Цагаан цайлган сэтгэл шиг
Цасан цайдам алсалж
Өөрийн илчээ цантуулсан
Өвлийн тал цавцайна.
Эзэн хүний сэтгэлийг
Эргэн эргэн баясаасан
Дөрвөн цагийн тал минь
Дөрвөн цагтаа сайхан аа.
