БУУРАЛ ААВ

Үг. Т. Юмсүрэн
Ая. Д. Мяасүрэн

Нарлаг өндөр Алтайн ууланд
Намрын хяруу унахад
Настай буран аав минь
Намайгаа харуулдан суугаа даа

Сүрлэг өндөр Алтайн ууланд
Шүүдэр хяруу уналаа даа
Сүргийн дэргэдээс аав минь
Сүүмийх алсыг ширтээ дээ

Бутант өндөр Алтайн ууланд
Буурал хяруу ороо доо
Буцаад хүү минь ирнэ гээд
Буурал аав минь хүлээгээ дээ

Өндөр буурал Алтайн ууланд
Өвсний толгой цайраа даа
Өвгөн буурал аав минь
Үрээ дурсан суугаа даа  

МИНИЙ ААВ

Үг
Ая. Цоггэрэл

Амин хайртай миний аав
Адууныхаа бэлчээрт дуулдаг хүн байсан
Бага наснаас чихэнд хоногшсон
Баргил хоолойтой дуучин хүн байсан

Миний аав дуучин хүн
Миний аав адуучин хүн

Ороо морины ганган толгойд
Уургын хуйвыг алдаж үзээгүй
Онцоос хайртай миний аав
Олондоо нэртэй адуучин хүн байсан

Миний аав дуучин хүн
Миний аав адуучин хүн

Хүлгийн төвөргөөнд намайг бүүвэйлсэн
Хөрслөг аав минь адуучин хүн байсан
Уртын дуугаараа намайг бүүвэйлсэн
Ухаант аав минь дуучин хүн байсан

Миний аав дуучин хүн
Миний аав адуучин хүн

СҮҮН ЦАГААН СЭТГЭЛ

Үг. Р. Минжирмаа        Ая. Ц. Чимиддорж

Наран мандмал уудам нутагтаа
Настай ээж минь жаргаж суугаа
Намайгаа явсан алсын нутгийнхаа
Найртай сайхныг ерөөж байгаа

Саран гиймэл саруулхан нутагтаа
Сайхан ээж минь жарган байгаа
Сааль сүүнийхээ өнгөн дээжээ
Сансарт өргөн хүүгээ хүлээгээ

Хөхрөн униартах хөдөө нутагтаа
Хөлгийн жолоог заллаа ээж ээ
Хаврын шувуудын ирэх түрүүчээр
Хайртай хүү чинь ээждээ золгоно оо

ХҮҮХЭН ХҮНИЙ ХҮСЛЭН

Үг. О. Сэргэлэн        Ая. З. Батсүх

Яргуйн дэлбээг зөөлөн бүүвэйлсэн
Яасан намуухан үдэш вэ
Яахын аргагүй хайрыг булаасан
Ямар хүний үр вэ, чи

Унаган сэвлэг илбэн таалсан
Урьхан хонгор салхи уу даа
Уулзаад удаагүй намайг дасгасан
Учиртай төрсөн эр үү дээ

Хүлээн сууснаа танин олоод
Хүрээд ирэх нь чи минь байлгүй
Хүний хүүтэй хослон жаргах
Хүүхэн хонгор би чинь байлгүй

Чамайгаа үгүйлнэ

Үг. Л. Чойжилсүрэн.        Ая. Ж. Шараа

Нууран дундаа нугас шувуу
Нуруугаа шилгээгээд нүгжирнэ
Нойрон дундаа миний сэтгэл
Чамайгаа үгүйлээд дэнсэлнэ

Цэцгэн талдаа алаг эрвээхий
Цэнгэн зугаалаад эргэлдэнэ
Цээжний гүндээ миний зүрх
Чамайгаа үгүйлээд догдолно

Эргийн хөвөөгөөр хараацай шугу
Элин халиф сүлжилдэнэ
Энхрий хайраар миний сэтгэл
Чамайгаа үгүйлээд тэмүүлнэ

Аяны шувууд

Үг.   Очирхуяг       Ая. С. Чойсүрэн

Өвлийг зөгнөн ирсэн
Алтан намар болоход
Өмнийг чиглэн яваа
Аянчин олон шувууд минь

Явдал дундаа та нар
Манай нутгаар дайраарай
Нэгдэлд байгаа хонгорт минь
Мэндийг минь хүргээд гараарай

Төрсөн нутгийн минь дээгүүр
Зэл татан ганганахдаа
Зорьсон орноо чиглээд
Хол газар аялахдаа

Малчин монголын хүүхнүүдийн
Цовоог та нар магтана байх
Манай нутгийн сайханд хө
Атаархаж бас л ганганах бай